Félög tengd þeim Jóni Ásgeiri Jóhannessyni, Karli Wernerssyni og Róberti Wessman töpuðu samtals 77 milljörðum í dag þegar tilkynnt var að íslenska ríkið myndi eignast 75% í Glitni. Samkvæmt útreikningum blaðamanns þá er gengi bréfa í Glitni 2 en voru 15 fyrir helgi.

Þar liggur tap þeirra fjárfesta sem áttu í Glitni. Á mannamáli þýðir þetta að sá sem átti eina milljón í hlutabréfum í Glitni á föstudag á aðeins rúmar 120 þúsund krónur í dag. Markaðsvirði bankans í dag er því 112 milljarðar en var á föstudaginn um 234 milljarðar. Yfir eina helgi minnkaði því virði bankans um 122 milljarða króna. Blaðamaður DV reiknar markaðsvirði félagsins út frá kaupvirði ríkisins á 75% hlut en fyrir það greiddi ríkið 84 milljarða.

Stoðir, tengt Jóni Ásgeiri, tapar hvað mest eða rúmum 61 milljarði. Þáttur International ehf, dótturfyrirtæki Milestone sem er í eigu Karls Wernerssonar, tapar 11 milljörðum og Salt Investments ehf, í eigu Róbert Wessman, tapar 4,7 milljörðum.