Athugið: Hvítbók.vg bendir Halldóri Ásgrímssyni fyrrverandi ráðherra Framsóknarflokks á að ef við förum með staðreyndarvillur og/eða hann vill einhverjar úrbætur um umfjöllun um sig á Hvítbók.vg þá biðjum við hann um að senda okkur póst á
hvitbok@hvitbok.vg Við munum taka allar ábendingar um hugsanlegar úrbætur og yfirfara og meta. Hvítbók.vg er ekki að dæma neinn fyrirfram um hugsanlega meinta glæpi eða afglöp í starfi, heldur var ráðist í þetta verkefni til að vera með stærsta uppfletirit um Miklahvell í haust á einum stað.
Verkefnið verður kynnt um allan heim síðar í ár. Vinna er þegar hafin á því.
Halldór Ásgrímsson endurskoðandi og alþingismaður (f. 8. september 1947 á Vopnafirði) var formaður Framsóknarflokksins og forsætisráðherra Íslands. Hann sat á Alþingi Íslendinga, 1974-78 og síðan 1979-2006. Halldór tók þátt í einkavæðingu íslensku bankanna, margir vilja meina að hann og Davíð Oddsson hafi úthlutað nokkuð jafnt ríkisbönkunum þ.e.a.s. jafnt á milli Framsóknarflokks (Búnaðarbanki Íslands) og Sjálfstæðisflokks (Landsbanki Íslands).
Sendið okkur frekari upplýsingar um Halldór, eignir ogfl. hvitbok@hvitbok.vgHalldór lét af þingmennsku að loknu flokksþingi Framsóknarflokksins í ágúst 2006, eftir 31 árs setu á þingi, en hann var starfsaldu
rsforseti þingsins er hann lét af þingmennsku. Halldór gegndi ráðherraembætti nær samfellt í tvo áratugi, rúm 19 ár, og hefur aðeins Bjarni Benediktsson gegnt lengur ráðherraembætti í stjórnmálasögu landsins. Halldór var sjávarútvegsráðherra 1983 – 1991, dóms- og kirkjumálaráðherra 1988 – 1989, ráðherra norrænnar samvinnu 1985 – 1987, utanríkisráðherra 1995 – 2004 og forsætisráðherra 2004 – 2006. Halldór sat á þingi fyrir Austurlandskjördæmi, fyrst 1974 - 1978 og síðar 1979 - 2003, og loks fyrir Reykjavík norður 2003 - 2006.
Halldór tók við af Davíð Oddssyni sem forsætisráðherra þann 15. september 2004. Hann er fimmtándi maðurinn sem gegnir embætti forsætisráðherra frá stofnun lýðveldisins. Þann 5. júní 2006 tilkynnti Halldór Ásgrímsson að hann hygðist hætta sem forsætisráðherra og sem formaður Framsóknarflokksins. Þessi tilkynning kom í kjölfar slæms gengis Framsóknarflokksins í sveitarstjórnarkosningum. Halldór lét af embætti forsætisráðherra á ríkisráðsfundi þann 15. júní 2006 og lét með því af ráðherraembætti eftir rúmlega 19 ára setu í ríkisstjórn samtals. Halldór lét af formennsku í Framsóknarflokknum á flokksþingi þann 19. ágúst 2006, eftir að hafa verið formaður og varaformaður flokksins í rúmlega aldarfjórðung samfellt, sem varaformaður 1980 - 1994 og formaður 1994 - 2006.