04.08 2009 - 9 ummæli »
Orðið á götunni er að staða Finns Sveinbjörnssonar bankastjóra Kaupþings sé mjög veik eftir að bankinn neyddist til þess seint í gærkvöldi að falla frá lögbanni sínu á fréttaflutning af lánastarfsemi bankans fyrir hrun. Finnur beri meginábyrgð á lögbanninu og þeim mikla skaða sem það hafi valdið bankanum. Hann hljóti að súpa seyðið af því.
Orðið á götunni er að tvær ástæður hafi verið fyrir því að fallið var frá því að fylgja lögbanninu eftir fyrir dómstólum. Önnur hafi verið sú að sterkar líkur voru á að því yrði hafnað. Lagaþekking hjá dómstólum væri meiri og betri en hjá sýslumannsembættinu í Reykjavík.
Hin ástæðan hafi verið ótti við að stór hópur reiðra viðskiptavina Kaupþings flytti viðskipti sín annað í dag.