Eyjan, Innlent - föstudagur - 12.2 2010 - 09:14
Seðlabanki Frakklands segir að Björgvin fari með rangt mál um Icesave. Ný rannsókn í Hollandi
Seðlabanki Frakklands, Banque de France, segir að Björgvin G. Sigurðsson, fyrrverandi viðskiptaráðherra, fari með rangt mál þegar hann fullyrði í grein í hollensku blaði að Frakkar hafi neitað að heimila Icesave-reikning þar í landi. Ekkert slíkt erindi hafi borist og þar af leiðandi hafi engu erindi verið synjað.
Frá þessu er greint í mörgum hollenskum fjölmiðlum í dag.
Fram kemur einnig að fjármálaráðherra Hollands, Wouter Bos, hefur fyrirskipað opinbera rannsókn á sannleiksgildi staðhæfinga yfirmanna hollenska seðlabankans og fjármálaeftirlitsins að íslensk stjörnvöld hafi sagt hollenskum stjórnvöldum ósatt um stöðu Landsbankans og íslenska bankakerfisins árið 2008.