Hvítbók.is

 Athugið: Hvítbók.vg metur Bjarna Ármannsson til hugsanlegs  útrásarvíkings og bankamanns ?    Við bendum Bjarna  á að ef við förum með staðreyndarvillur og/eða hann vill einhverjar úrbætur um umfjöllun um sig á Hvítbók.vg þá biðjum við hann um að senda okkur póst á hvitbok@hvitbok.vg Við munum taka allar ábendingar um hugsanlegar úrbætur og yfirfara og meta. Hvítbók.vg er ekki að dæma útrásarvíkinga fyrirfram um hugsanlega meintan glæp eða afglöp í starfi, heldur var ráðist í þetta verkefni til að vera með stærsta uppflettirit um Miklahvell í haust á einum stað. Verkefnið verður kynnt um allan heim síðar í ár. Vinna er þegar hafin á því.

Bjarni Ármannsson (f. 23. mars 1968 á Akranesi) er íslenskur tölvunarfræðingur sem var bankastjóri Glitnis þar til í maí 2007 þegar Lárus Welding tók við af honum. Nafn hans hefur borið á góma eftir bankahrunið í lok árs 2008 enda var Glitnir fyrsti bankinn til að verða gjaldþrota. Bjarni hefur vakið athygli fyrir ríflegan starfslokasamning sem hann fékk. Bjarni kom einnig að fjárfestingu í Reykjavík Energy Invest í október 2007. Bjarni lauk B.Sc. í tölvunarfræði frá Háskóla Íslands árið 1990 og MBA-gráðu frá IMD í Sviss 1996.

frétt frá  2.maí 2007

Bjarni Ármannsson selur fyrir 7 ma.kr. í Glitni
Lárus Welding, nýr forstjóri Glitnis, hefur keypt í bankanum fyrir tæpa 4 milljarða króna. Bjarni Ármannsson, fráfarandi forstjóri Glitnis, hefur selt hluti sína í bankanum fyrir tæpa 7 milljarða króna. Kaupandinn er Glitnir banki.



Lárus Welding, nýr forstjóri Glitnis, hefur keypt í bankanum fyrir tæpa 4milljarða króna, samkvæmt upplýsingum frá Kauphöllinni. Um er að ræða 150 milljónir hluta á genginu 26,6 en við hádegi var markaðsgengið 27,05 krónur á hlut.

Bjarni Ármannsson, fráfarandi forstjóri Glitnis, hefur selt hluti sína í bankanum fyrir tæpa 7 milljarða króna. Kaupandinn er Glitnir banki. Bjarni seldi á genginu 29 sem er meira en núverandi markaðsvirði bankans. Hann á áfram hlut í bankanum sem er um 1,5 miljarðs króna virði miðað við þetta gengi.

Fram kom í fréttum Sjónvarpsins í gær að starfslokakjör Bjarna hjá Glitni næmu á milli 800 og 900 miljóna króna. Í þeirri tölu væri hagnaður Bjarna af sölu hlutabréfa, auk starfslokagreiðslna sem næmu um hálfum miljarði króna.

Fram kom í fréttum Sjónvarpsins í gær að starfslokakjör Bjarna hjá Glitni næmu á milli 800 og 900 miljóna króna. Í þeirri tölu væri hagnaður Bjarna af sölu hlutabréfa, auk starfslokagreiðslna sem næmu um hálfum miljarði króna.